ಮುಖಪುಟ / ತೆರಿಗೆ ಮತ್ತು ಸುಂಕ1 ನಿಮಿಷದ ಓದು
ಅನುಸರಣೆಯ ಹೇಳಿಕೆ, ಪುರಾವೆ ಇಲ್ಲ
ಫಲಕಗಳು ಕನ್ನಡ, ಹಿಂದಿ, ಇಂಗ್ಲಿಷ್ನಲ್ಲಿವೆ ಎಂದ ಸಿಜಿಎಸ್ಟಿ ಆಡಿಟ್-II ಬೆಂಗಳೂರು; ಸುತ್ತೋಲೆ, ವರದಿ, ಹೊಣೆಗಾರ ಅಧಿಕಾರಿ ಯಾವುದೂ ಇಲ್ಲ
ಎರಡು ಪುಟಗಳ ಪತ್ರ, ಇ-ಮೇಲ್ ಮೂಲಕ; ಯಾವುದೇ ದಾಖಲೆ ಅಥವಾ ಫೋಟೋ ಲಗತ್ತಿಸಿಲ್ಲ.
ಸಾರ್ವಜನಿಕ ಪ್ರಾಧಿಕಾರಕೇಂದ್ರ ತೆರಿಗೆ ಆಯುಕ್ತರ (ಲೆಕ್ಕಪರಿಶೋಧನೆ-II) ಕಚೇರಿ, ಬೆಂಗಳೂರು
ನೋಂದಣಿ ಸಂಖ್ಯೆ
CCEBL/R/E/26/00098ಸಲ್ಲಿಕೆ05.08.2026
ಉತ್ತರ10.09.2026 36ನೇ ದಿನ
ಮೂಲಕಇ-ಮೇಲ್
ಕೇಳಿದ್ದು ಏನು, ಬಂದ ಉತ್ತರ ಏನು
| 1OM ಅಡಿ ಹೊರಡಿಸಿದ ಸುತ್ತೋಲೆಗಳು | ಇದು ಆಯುಕ್ತಾಲಯ ಮಟ್ಟದ ಕಚೇರಿ ಎಂದು ಹೇಳಿ, OM ಜಾರಿಗಾಗಿ “ಯಾವುದೇ ಪ್ರತ್ಯೇಕ ಸುತ್ತೋಲೆ, ಕಚೇರಿ ಆದೇಶ, ಸೂಚನೆ ಅಥವಾ ಮಾರ್ಗಸೂಚಿಯನ್ನು ಈ ಆಯುಕ್ತಾಲಯ ಹೊರಡಿಸಿಲ್ಲ” ಎಂದಿದೆ |
|---|---|
| 2ಕನ್ನಡ ಬಳಕೆಗೆ ಕೈಗೊಂಡ ಕ್ರಮ | ಫಲಕ, ನಾಮಫಲಕ, ಪ್ರವೇಶ ಫಲಕ, ದಿಕ್ಸೂಚಿಗಳನ್ನು “ಕನ್ನಡ, ಹಿಂದಿ ಮತ್ತು ಇಂಗ್ಲಿಷ್” ತ್ರಿಭಾಷೆಯಲ್ಲಿ ಇಡಲಾಗಿದೆ ಎಂದಿದೆ; ಆಡಳಿತ ಕೆಲಸ ಇಂಗ್ಲಿಷ್ ಮತ್ತು ಹಿಂದಿಯಲ್ಲಿ ನಡೆಯುತ್ತದೆ |
| 3ತಪಾಸಣೆ / ಅನುಸರಣಾ ವರದಿಗಳು | OM ಜಾರಿಯ ಪರಿಶೀಲನೆಗಾಗಿ ಸಿದ್ಧಪಡಿಸಿದ ಯಾವುದೇ ಪ್ರತ್ಯೇಕ ತಪಾಸಣೆ, ಅನುಸರಣೆ, ಆಂತರಿಕ ಲೆಕ್ಕಪರಿಶೋಧನೆ ಅಥವಾ ಪರಾಮರ್ಶೆ ವರದಿ ಕಚೇರಿ ದಾಖಲೆಯಲ್ಲಿ ಇಲ್ಲ |
| 4ಅನುಸರಣೆ ಇಲ್ಲದೆಡೆ ಸರಿಪಡಿಸುವ ಕ್ರಮ | ಸರಿಪಡಿಸುವ ಕ್ರಮ ಬೇಕಾದ ಯಾವುದೇ ಅನುಸರಣೆ ಇಲ್ಲದ ಪ್ರಕರಣ ಕಚೇರಿಯ ಗಮನಕ್ಕೆ ಬಂದಿಲ್ಲ; ಹಾಗಾಗಿ ಕಡತ ಟಿಪ್ಪಣಿ ಅಥವಾ ಪತ್ರವ್ಯವಹಾರ ಇಲ್ಲ |
| 5ಮೇಲ್ವಿಚಾರಣೆಯ ಹೊಣೆ ಹೊತ್ತ ಅಧಿಕಾರಿ | “OM ಅನುಸರಣೆಯ ಮೇಲ್ವಿಚಾರಣೆಗೆ ಈ ಆಯುಕ್ತಾಲಯ ಯಾವುದೇ ಪ್ರತ್ಯೇಕ ಅಧಿಕಾರಿ/ವಿಭಾಗವನ್ನು ನಿಯೋಜಿಸಿಲ್ಲ.” |
ಇದೇಕೆ ಮುಖ್ಯ
ಅರ್ಜಿ RTI ಕಾಯ್ದೆಯ ಸೆಕ್ಷನ್ 6(3) ಅಡಿ ವರ್ಗಾವಣೆಯಾಗಿ ಈ ಕಚೇರಿಗೆ ಬಂದಿದೆ. ಫಲಕಗಳು ಕನ್ನಡ, ಹಿಂದಿ ಮತ್ತು ಇಂಗ್ಲಿಷ್ನಲ್ಲಿವೆ ಎಂಬ ಹೇಳಿಕೆಗೆ ಫೋಟೋ ಅಥವಾ ಪಟ್ಟಿ ಇಲ್ಲ; ಪತ್ರದ ಕೊನೆಯಲ್ಲಿ ಅದೇ ಫಲಕಗಳನ್ನು ‘ಇಂಗ್ಲಿಷ್, ಹಿಂದಿ ಮತ್ತು ಕನ್ನಡ’ ಎಂದು ಬೇರೆ ಕ್ರಮದಲ್ಲಿ ಹೇಳಲಾಗಿದೆ. ಸುತ್ತೋಲೆ, ತಪಾಸಣಾ ವರದಿ ಮತ್ತು ಹೊಣೆಗಾರ ಅಧಿಕಾರಿ ಮೂರೂ ಇಲ್ಲ ಎಂದು ಕಚೇರಿ ಹೇಳುತ್ತದೆ. ಪತ್ರದ ಶಿರೋಲೇಖ ಹಿಂದಿ ಮತ್ತು ಇಂಗ್ಲಿಷ್ನಲ್ಲಿದೆ; ಕನ್ನಡ ಇರುವುದು ‘One Nation One Tax One Market’ ಲಾಂಛನದ ಅಡಿಬರಹದಲ್ಲಿ ಮಾತ್ರ.

